Newyddion a'r Cyfryngau: Adnoddau academaidd ac an-academaidd

Mae cyhoeddiad ysgolheigaidd neu academaidd yn cynnwys erthyglau a ysgrifennwyd gan arbenigwyr ar bwnc neu faes penodol.

Arbenigwyr eraill yw'r brif gynulleidfa i'r erthyglau hyn.

Yn gyffredinol mae'r erthyglau hyn yn ymdrin ag ymchwil wreiddiol neu astudiaethau achos. Mae llawer o'r cyhoeddiadau yn cael eu hadolygu gan gyd-academyddion - felly mae sicrwydd o ansawdd y wybodaeth. Mae hynny'n golygu bod ysgolheigion yn yr un maes yn adolygu'r ymchwil a'r canfyddiadau cyn i'r erthygl gael ei chyhoeddi. Os dewch o hyd i erthygl sydd wedi'i hadolygu gan gyd-academyddion yn Primo, fe welwch y symbol hwn wrth ei hymyl: 

Mae erthyglau mewn ffynonellau academaidd:

• yn cael eu hysgrifennu gan ymchwilwyr neu arbenigwyr ar gyfer ymchwilwyr neu arbenigwyr eraill yn y maes
• yn defnyddio ieithwedd ysgolheigaidd neu dechnegol
• yn cynnwys llyfryddiaeth gyflawn o'r ffynonellau y cyfeiriwyd atynt yn yr erthygl
• wedi mynd drwy'r broses adolygu gan gyd-academyddion

Dyma restr wirio gyflym i'ch helpu i adnabod ffynonellau academaidd:

Mae ffynonellau anacademaidd yn ffynonellau nad ydynt yn gysylltiedig â meysydd academaidd na meysydd ymchwil.

Mae erthyglau o ffynonellau anacademaidd yn gallu rhoi cyflwyniad i bwnc i chi a'ch cyflwyno i sut mae'r pwnc hwnnw'n cael ei drafod yn y gymdeithas sydd ohoni.  

Mae erthyglau mewn ffynonellau anacademaidd:

• yn cael eu hysgrifennu gan newyddiadurwyr neu ysgrifenwyr proffesiynol ar gyfer gynulleidfa gyffredinol
• wedi'u hysgrifennu mewn iaith sy'n hawdd ei deall gan y cyhoedd
• fel rheol heb gynnwys llyfryddiaeth - yn hytrach, mae'r ffeithiau'n cael eu gwirio drwy broses olygyddol y cyhoeddiad lle y byddant yn ymddangos
• heb ragdybio unrhyw wybodaeth flaenorol am y pwnc - dyna pam maent yn aml yn ddefnyddiol iawn os nad ydych yn gwybod llawer am y pwnc eto
• efallai'n cynnwys dadl, safbwynt, neu ddadansoddiad ar fater penodol

Dyma restr wirio gyflym i'ch helpu i adnabod ffynonellau anacademaidd: