Mae cyfnodolyn yn gyhoeddiad sy'n canolbwyntio ar faes pwnc penodol a all gynnwys erthyglau, llythyrau, ymchwil, barn ac adolygiadau a ysgrifennwyd gan wahanol awduron. Cyhoeddir cyfnodolion yn rheolaidd, megis wythnosol, misol neu chwarterol. Mae pob copi yn rifyn ac mae cyfres o rifynnau yn gwneud cyfrol (fel arfer mae pob blwyddyn yn gyfrol ar wahân).
Unrhyw eitem a welwch ar Primo neu yn ein Llyfrgelloedd gyda PER yn y rhif dosbarth, golyga hyn ei fod yn gyfnodolyn sy'n cynnwys papurau byr ar bynciau penodol. Gellir dod o hyd iddynt ar ffurf print, ar-lein neu'r ddau.
Pam defnyddio erthygl o gyfnodolyn?
Benthyca cyfnodolyn
Gallwch fenthyg cyfnodolyn dros nos. Bydd angen i chi osod cais am gyfrol/rhifyn enodol y cyfnodolyn yn Primo.
Mae cyfnodolion yn darparu ffynonellau pwysig o wybodaeth academaidd.
Mae gan Cwestiynau Cyffredin 1185 gyfarwyddiadau manwl ar sut i chwilio am erthyglau testun llawn ar Primo.
Mae llyfrgelloedd Prifysgol Aberystwyth yn tanysgrifio i ystod eang o e-gylchgronau.
Mae rhagor o wybodaeth ar gael ar dudalennau gwe adnoddau electronig.
Mae LibKey Nomad yn estyniad porwr sy'n darparu dolenni awtomatig i erthyglau testun llawn wrth ichi wneud ymchwil a dod ar draws llenyddiaeth ar y we.
Mae LibKey Nomad yn chwilio ein daliadau Llyfrgell a data mynediad agored i ddod o hyd i'r fersiwn orau o'r erthygl tra byddwch chi'n chwilio'r we ac yn dod ar draws llenyddiaeth.
Mae LibKey Nomad yn hawdd i’w ddefnyddio.
Pan fyddwch chi'n glanio ar dudalen gydag erthygl sydd ar gael i'w lawrlwytho, bydd baner LibKey Nomad yn ymddangos ar waelod eich sgrin. Cliciwch i lawrlwytho'r PDF. Os ydych chi oddi ar y campws, bydd angen i chi fewngofnodi trwy VPN yn gyntaf.
Os ydych chi'n defnyddio'r cronfeydd data academaidd PubMed a Scopus, mae LibKey yn darparu nodweddion ychwanegol. Ar y dudalen canlyniadau chwilio gallwch weld dolenni i ddogfennau PDF o erthyglau a dolenni i weld yr holl erthyglau mewn rhifyn cyfnodolyn trwy BrowZine.
