LibGuides: Ymwybyddiaeth ynglŷn â Chyfeirnodi a Llên-ladrad: 5. Canlyniadau llên-ladrad

Canlyniadau llên-ladrad

Mae gan Brifysgol Aberystwyth reoliadau clir ynglŷn â llên-ladrad, sydd i'w gweld fan hyn: 'Rheoliad ar Ymddygiad Academaidd Annerbyniol.'

Mae'r ddogfen yn dweud yn glir:

"Y diffiniad o lên-ladrad yw defnyddio gwaith rhywun arall a'i gyflwyno fel eich gwaith eich hun, yn fwriadol neu'n anfwriadol.

Mae enghreifftiau o lên-ladrad yn cynnwys;

•   Cynnwys dyfyniad heb ddefnyddio dyfynodau
•   copïo gwaith rhywun arall
•   cyfieithu gwaith rhywun arall heb gydnabod hynny
•   aralleirio neu addasu gwaith rhywun arall heb gydnabod hynny'n gywir
•   defnyddio deunydd wedi'i lawrlwytho o'r rhyngrwyd heb gydnabod hynny
•   defnyddio deunydd a gafwyd gan fanc traethodau neu asiantaethau tebyg"

Cydnabyddwch y ddogfen!! Cyfeirnodwch!!

Os bernir eich bod yn euog o lên-ladrad mae'r canlyniadau'n ddifrifol, ac yn amrywio o gael marc o sero am y modiwl, i gael eich eithrio o'r brifysgol, gan ddibynnu ar benderfyniad y panel.

gall myfyrwyr a ddysgir gael eu heithrio o'r Brifysgol
gellir methu traethawd ymchwil uwchraddedigion ymchwil
gallai myfyrwyr fod yn anghymwys i gael achrediad proffesiynol - e.e. aelodaeth Cymdeithas y Gyfraith

Pan fyddwch yn cyflwyno eich aseiniad rhaid ichi lofnodi blaenddalen i ddangos eich bod yn deall beth yw canlyniadau llên-ladrad.

Aberystwyth University. (2019) Rheoliad ynghylch Ymddygiad Annerbyniol. Available at: https://www.aber.ac.uk/cy/academic-registry/handbook/regulations/uap/ (Accessed: 26 August 2020).