Ymwybyddiaeth ynglŷn â Chyfeirnodi a Llên-ladrad: 5. Cyfeirnodi allbynnau deallusrwydd artiffisial

Ewch i'r tab Enghreifftiau o Gyfeirnodi i weld esiamplau o gyfeirnodi allbynnau DA yn ôl dull cyfeirnodi eich Adran.

Mae canllawiau'r Brifysgol yn nodi bod "cyflwyno gwaith a gynhyrchir gan ddeallusrwydd artiffisial fel pe bai'n waith eich hun" yn fath o lên-ladrad ac, o'r herwydd, yn ymddygiad academaidd annerbyniol.

Gellir dod o hyd i wybodaeth gyflawn am ganllawiau'r Brifysgol ar ymddygiad academaidd annerbyniol yma.

Rhaid i chi ddilyn y canllawiau diweddaraf ar ddeallusrwydd artiffisial a ddarperir gan eich adran.

Os ydych chi'n defnyddio deallusrwydd artiffisial ar gyfer gwaith a asesir, byddwch yn eglur a gonest a chydnabyddwch eich bod wedi'i ddefnyddio.

Gallai'r allbwn a gynhyrchir gan ddeallusrwydd artiffisial:

• Fod wedi dyddio.
• Fod yn anghywir.
• Fod yn bleidiol.

Os ydych chi'n defnyddio deallusrwydd artiffisial cynhyrchiol mewn unrhyw ran o'ch gwaith a asesir, eich cyfrifoldeb chi yw gwirio popeth a gynhyrchir gan yr adnodd er mwyn sicrhau bod y wybodaeth a gynhyrchir yn gyfredol ac yn gywir.

Oherwydd pryderon preifatrwydd a diogelwch, ni fyddem yn argymell rhoi data personol mewn systemau deallusrwydd artiffisial.

Os hoffech wybod rhagor am ddefnyddio offer DA ar gyfer eich astudiaethau, darllenwch ein canllaw DA a'r Llyfrgell. 

Os oes gennych unrhyw gwestiynau, dewch i'n gweld yn:

•   Y ddesg ymholiadau ar Lefel F Llyfrgell Hugh Owen.
•   Y ddesg ymholiadau yn Llyfrgell y Gwyddorau Ffisegol

Cysylltwch â'ch Llyfrgellydd Pwnc yn uniongyrchol, neu ebostiwch y tîm: llyfrgellwyr@aber.ac.uk