LibGuides: Cefnogaeth Llyfrgell i Ymchwilwyr: Adnoddau ar gyfer Ymchwil

Cronfeydd data allweddol

Hanfodol
Adnoddau eraill

JSTOR
Archif aml-ddisgyblaethol o bamffledi, llyfrau a chyfnodolion academaidd.
ScienceDirect
Ffynhonnell wybodaeth ar gyfer ymchwil gwyddonol, technegol a meddygol
Scopus
Cronfa ddata fawr o grynodebau a dyfyniadau
Web of Science
Crynodebau o erthyglau cyfnodolion ysgolheigaidd a thraethodau hir mewn seicoleg a phynciau perthnasol. Gallwch wirio argaeledd erthyglau testun llawn trwy glicio ar yr eicon '@aber' drws nesaf i'r canlyniadau chwilio.
Business Source Complete - cynnwys mynediad i dros 3,000 o gyfnodolion. Mae'n ymdrin â phob agwedd ar fusnes, gan gynnwys cyllid, rheoli, systemau gwybodaeth rheoli, marchnata a busnes rhyngwladol.
Computer Society (IEEE) - Yr IEEE Computer Society yw sefydliad aelodaeth mwyaf blaenllaw'r byd sy'n ymroddedig i gyfrifiadureg a thechnoleg. Mae'r Llyfrgell Ddigidol yn dal mwy na 550,000 o erthyglau a phapurau ar gyfrifiadureg a thechnoleg.
Lexis®Library - Ar gyfer adnoddau cyfraith a throseddeg allweddol
PubMed - Cynnwys mwy na 26 miliwn o ddyfyniadau ar gyfer llenyddiaeth fiofeddygol o MEDLINE, cyfnodolion gwyddor bywyd, a llyfrau ar-lein.

Cronfa-ddata testun-llawn sy’n chwilio papurau newyddion rhanbarthol, cenedlaethol a byd-eang.

Gwasanaeth monitro a chwilio am gyhoeddiadau ymchwil byd-eang. http://zetoc.jisc.ac.uk/

Adnoddau Mynediad Agored

Cewch hyd i ddeunydd academaidd Mynediad Agored a'i ddefnyddio trwy Primo, catalog llyfrgell y Brifysgol, a Phorth Ymchwil Aberystwyth.
Mae swm cynyddol o ddeunydd academaidd hefyd yn cael ei roi ar y rhyngrwyd fel deunydd Mynediad Agored. Mae hyn yn golygu nad yw wedi'i guddio tu ôl i wal dâl a'i fod yn ar gael i unrhyw un. Weithiau mae'r dogfennau hyn yn fersiynau sydd â'r un cynnwys â fersiwn derfynol a gyhoeddwyd ond fe'u gelwir yn ôl-argraffiadau neu'n Llawysgrifau sy'n cael eu Derbyn gan Awduron. Weithiau maent yn fersiynau terfynol cyhoeddedig.

Nid yw'n hawdd dod o hyd i ddeunydd o'r fath bob amser felly mae llawer o offer a gwefannau ar gael a all helpu myfyrwyr ac ymchwilwyr i ddod o hyd i erthyglau, llyfrau a chyfnodolion sydd, yn fwriadol ac yn gyfreithiol, wedi'u cyhoeddi fel adnoddau Mynediad Agored. Fe'u rhestrir ar y tabiau canlynol. Mae rhai wedi'u cynnwys ar system y Brifysgol, mae'n bosib bod angen ychwanegu eraill fel estyniadau i'r porwr. Nid yw pob un yn gweithio ar bob porwr.
Gellir dod o hyd i gynnyrch ymchwil Prifysgol Aberystwyth hefyd trwy'r adnoddau a'r gwefannau hyn.

Libkey Nomad
Mae LibKey Nomad yn estyniad porwr arall sy'n darparu dolenni yn awtomatig i gynnwys testun llawn erthyglau wrth i chi ymchwilio ar y we a dod ar draws testunau. Pan fydd yr estyniad wedi'i osod, pryd bynnag y dewch ar draws erthygl cyfnodolyn y tu allan i gatalog y llyfrgell, bydd LibKey Nomad yn eich hysbysu os yw'r erthygl ar gael trwy danysgrifiadau'r llyfrgell, neu os oes copi mynediad agored ar gael trwy rybudd baner ar waelod y dudalen.
Open Access Button
Offeryn cod agored sydd ar gael am ddim yw hwn. Gellir ei ddefnyddio ar-lein trwy'r wefan neu fel estyniad porwr ar gyfer Chrome neu Firefox. Os ydych chi ar-lein, nodwch URL, DOI, ID PMID yr erthygl, ei theitl neu ddyfyniad ohoni. Eto, gellir ei ddefnyddio hefyd ar y wefan ei hun.
EndNote Click
Mae EndNote Click yn ategyn hawdd i’w ddefnyddio i’r porwr sy'n eich helpu i gyrraedd o fewn clic at erthyglau cyfnodolion testun llawn trwy ddod â thanysgrifiadau Llyfrgell a chynnwys mynediad agored. Bydd angen i chi greu cyfrif.
Unpaywall
Estyniad ysgafn i'r porwr yw Unpaywall sy'n rhoi modd i chi gyrraedd o fewn clic at fersiynau agored o erthyglau. Pan fyddwch yn cyrraedd tudalen lanio erthygl mewn cyfnodolyn, mae Unpaywall yn chwilio'n awtomatig am fersiynau mynediad agored o'r erthygl. Bydd tab yn ymddangos ar ochr dde eich sgrin i adael i chi wybod bod Unpaywall yn gweithio.
Google Scholar
Cronfa ddata amlddisgyblaethol yw Google Scholar sy'n rhoi modd i ymchwilydd chwilio am fersiynau testun llawn o bapurau academaidd. Mae'r gronfa hefyd yn adnabod adnoddau tanysgrifiedig Aberystwyth ac yn rhoi mynediad uniongyrchol iddynt pan fyddwch ar y campws, neu'n gadael i chi fewngofnodi i'w defnyddio pan na fyddwch ar y campws.

DOAJ (Directory of Open Access Journals)
Mae DOAJ yn rhoi mynediad i gyfnodolion mynediad agored o ansawdd uchel. Mae'r cyfnodolion wedi'u hadolygu gan gymheiriaid ac yn cynnwys y rhan fwyaf o feysydd pwnc
DOAB (Directory of Open Access Books)
Bron i 30,000 o lyfrau academaidd a adolygwyd gan gymheiriaid yn y dyniaethau, y gwyddorau a'r gwyddorau cymdeithasol.
Project Gutenberg
Dros 60,000 o e-lyfrau am ddim o weithiau llenyddol hŷn a gyhoeddwyd cyn 1924 yn bennaf.
EThOS (Electronic Theses Online)
(Nid yw'r gwasanaeth hwn ar gael ar hyn o bryd) Mae'r Llyfrgell Brydeinig yn cywain traethodau ymchwil doethuriaeth o ystorfeydd prifysgolion Prydain ac yn gwneud yr un casgliad hwn yn un y gellir chwilio drwyddo ar-lein; ticiwch "Limit search to items available for immediate download" i weld dim ond eitemau Mynediad Agored. Bydd angen i chi gofrestru cyfrif.

Casgliadau Arbennig

Mae nifer o gasgliadau arbennig y Brifysgol ar gael ar gyfer ymchwil, megis y Casgliad Celtaidd (sydd ar gael i'w fenthyca), y Ganolfan Dogfennau Ewropeaidd, casgliad Appleton ar brintio lliw a rhwymo, a Chasgliad Horton o ddeunyddiau plant. Mae yna hefyd gasgliadau sydd wedi'u curadu gan adrannau megis Llyfrgell Fapiau E.G. Bowen a Chasgliadau'r Ysgol Gelf.

Edrychwch ar dudalen Casgliadau Arbennig y Brifysgol neu cysylltwch â librarians@aber.ac.uk i gael rhagor o wybodaeth.