LibGuides: Gwyddorau Bywyd ac AGBAG (IBERS): Nodi termau chwilio

Diffiniwch eich termau chwilio

Cyn i chi ddechrau

Ystyriwch dri chwestiwn:

Pa fath o wybodaeth sydd ei hangen arnaf?
Lle dylwn i chwilio am wybodaeth?
Sut alla i chwilio'n effeithiol er mwyn i mi ddod o hyd i ddeunyddiau perthnasol - pa dermau chwilio neu eiriau allweddol fydd yn dod o hyd i'r wybodaeth hon?

Tynnwch sylw at y termau allweddol neu'r geiriau allweddol yn eich cwestiwn aseiniad. Meddyliwch yn ofalus am eiriau allweddol addas a fydd yn eich galluogi i ddod o hyd i symiau hylaw o ddeunydd perthnasol - nid cymaint o ganlyniadau i achosi gorlwytho gwybodaeth, neu cyn lleied fel eich bod yn adfer gwybodaeth annigonol.

Termau chwilio

Allweddeiriau yw'r allwedd!

Beth bynnag rydych chi am eu galw - geiriau allweddol / termau allweddol / geiriau chwilio / termau chwilio - mae gan bob un ohonyn nhw'r un nod!

A'r nod hwnnw yw chwilio a dod o hyd i ddeunydd perthnasol.

Gall dewis yr allweddeiriau cywir o'r brîff aseiniad wella cywirdeb a pherthnasedd eich canlyniadau chwilio yn fawr.

Defnyddiwch gwestiwn yr aseiniad i ddechrau casglu geiriau allweddol a fydd yn ddefnyddiol yn eich chwiliad
Byddwch yn gryno - dechreuwch gyda dim ond 2-3 allweddair hanfodol
I ddod o hyd i eiriau allweddol perthnasol, gwnewch ychydig o ymchwil cefndir byr. Sylwch ar y termau a ddefnyddir yn gyffredin wrth drafod y pwnc.

Dyma awgrymiadau da ar gyfer dewis geiriau allweddol effeithiol:

Cael gwared ar eiriau ac ymadroddion diangen
Symleiddio eich cysyniadau
Defnyddio iaith niwtral i gael canlyniadau chwilio mwy cytbwys
Gwyliwch allan am typos a chamsillafu.
Ystyriwch gysyniadau a themâu allweddol nad ydynt yn cael eu crybwyll yn benodol yn y cwestiwn

Termau chwilio amgen

Meddyliwch am eiriau / ymadroddion neu gyfystyron amgen/gwahanol y dylech eu cynnwys yn eich chwiliad er mwyn gwella'ch canlyniadau chwilio.

Er enghraifft:

Pe byddech chi'n ymchwilio i fethiant busnesau bach yn y DU, fe allech chi ddefnyddio'r allweddeiriau canlynol:

methiant, llwyddiant, tranc, heriau, risg.

Yn ogystal â chwilio am y DU, efallai y byddwch hefyd yn chwilio am:

Y Deyrnas Unedig, Prydain, Prydain Fawr.

Defnyddiwch thesawrws ar gyfer cyfystyron: https://www.powerthesaurus.org/

Mae gan rai cronfeydd data thesawrws adeiledig o fewn y gronfa y gallwch ei ddefnyddio i ddod o hyd i dermau amgen.

Acronymau a byrfoddau

Meddyliwch a allwch ddefnyddio acronymau neu fyrfoddau yn eich chwiliad. Gellir cynnwys y rhain yn eich termau chwilio er mwyn dod o hyd i ganlyniadau sy'n cyfateb.

Er enghraifft:

AIDS a/neu Acquired Immune Deficiency Syndrome
Doctor a/neu Dr.

Edrychwch ar y gwefannau canlynol i ddod o hyd i ragor o fyrfoddau ac acronymau:

Abbreviations.com
- Mae yna dros 230,000 o gofnodion ac 81 categori fel busnes, meddygaeth, gwyddoniaeth a byrfoddau ac acronymau rhyngwladol.
Acronym Finder
- Mae Acronym Finder yn eiriadur chwiliadwy o dros 330,000 acronymau, byrfoddau a dechreuadau.

Amrywiad terminoleg

Meddyliwch am wahaniaethau mewn sillafu a therminoleg, a defnyddiwch ddewisiadau amgen yn eich strategaeth chwilio.

Er enghraifft:

globalisation (sillafu Prydain)
globalization (sillafu Americanaidd)

Gall symbolau cardiau gwyllt helpu gyda hyn:

bydd globali?ation yn chwilio ac yn dod o hyd i globalisation a globalization
bydd organi? e yn chwilio ac yn dod o hyd i organise ac organize