Hawlfraint: Cwestiynau Cyffredin - Darlithwyr

Cewch, gallwch rannu 'pecynnau cwrs' neu 'becynnau astudio' gan gynnwys darnau o lyfrau neu gyfnodolion i fyfyrwyr ar unrhyw fodiwl. Ni ddylai'r detholiadau fod yn fwy na'r cyfyngiadau sefydledig ar gyfer copïo. Serch hynny, mae'r Brifysgol yn argymell defnyddio Blackboard, Rhestrau Darllen, a'r Gwasanaeth Digido i ddarparu deunyddiau cwrs i fyfyrwyr.  

Ydy. Mae Dysgwyr o Bell bellach wedi'u cynnwys yn y Drwydded CLA hefyd. 

Cewch, ond eto, o fewn y cyfyngiadau a osodir uchod. I wneud hyn, dylech ddefnyddio'r Gwasanaeth Digido a fydd yn trefnu sgan hygyrch o ansawdd uchel gyda thrwydded briodol.  

Cewch. Os ydych chi'n sicr mai chi yw deiliad yr hawlfraint, gellir darparu llawysgrif anghyhoeddedig o erthygl neu waith ysgrifenedig arall i fyfyrwyr. Mewn llawer o achosion byddai hwn ar gael drwy Borth Ymchwil y Brifysgol.  

Mae copïo o dan yr amgylchiadau hyn yn dibynnu ar be wnaethoch chi ei lofnodi pan wnaethoch chi gytuno i gyhoeddi. Mewn llawer o achosion byddwch wedi llofnodi perchnogaeth eich hawlfraint i'r cyhoeddwr. Y cyhoeddwr wedyn yw perchennog yr hawliau, ac sy'n gallu rhoi, neu godi tâl am, ganiatâd i wneud copïau y tu hwnt i'r hyn a ganiateir o dan gyfraith neu drwydded. Os nad ydych wedi llofnodi unrhyw beth, dylech barhau i dybio bod yr hawlfraint ar gyfer y fersiwn derfynol o erthygl cyfnodolyn yn eiddo i'r cyhoeddwr nes eich bod wedi cael gwybodaeth i'r gwrthwyneb. Mae'n bosibl y bydd modd i chi sicrhau bod hwn ar gael i fyfyrwyr drwy'r Gwasanaeth Digido. 

Mae'r eithriad arholiad yn y ddeddfwriaeth Hawlfraint yn caniatáu cynnwys deunydd hawlfraint 3ydd parti o fewn papurau arholiad a sgriptiau a asesir.  Dylai staff fod yn ymwybodol, wrth gynnwys deunydd 3ydd parti, fod angen cymhwyso’r prawf 'ymwneud teg', sydd â'r cwestiynau allweddol canlynol: Ydw i'n defnyddio mwy o'r gwaith nag sy'n angenrheidiol at y diben?; A allaf fi fod yn niweidio diddordebau perchennog yr hawlfraint drwy ailgynhyrchu eu gwaith yn y modd hwn?  Os ydych chi'n meddwl mai 'ydw' neu 'gallaf' yw'r atebion i'r cwestiynau hyn, dylech ystyried gofyn am ganiatâd.  

Gallwch. Caniateir i staff recordio rhaglenni at ddefnydd addysgol anfasnachol a'u dangos i fyfyrwyr o dan drwydded gan yr Asiantaeth Recordio Addysgol (ARA). Mae'n rhaid i'r holl recordiadau gynnwys yr wybodaeth ganlynol: dyddiad y recordiad; teitl y rhaglen; enw'r darlledwr; y geiriau "Dylai'r recordiad hwn gael ei ddefnyddio yn unol â thelerau trwydded yr ARA yn unig". Nid yw'r drwydded yn caniatáu addasu neu altro recordiad. Ceir rhagor o fanylion ar dudalen Ffrydio Fideo.

Gallwch ddangos deunydd o'r fath i ddosbarth ar dir y Brifysgol ac mewn amser real neu ddefnyddio gwasanaeth Box of Broadcasts fel yr amlinellir uchod. Fodd bynnag, ni all recordiadau a brynwyd yn fasnachol fel rheol gael eu ffrydio i fyfyrwyr ar alw.  

Gellir cynnwys graffiau neu ddiagramau sengl i'w hadolygu, ond byddai unrhyw beth yn fwy na hyn angen naill ai: a) caniatâd penodol deiliad yr hawlfraint neu b) cais i'r Gwasanaethau Gwybodaeth i gael y deunydd wedi'i sganio gan y Gwasanaeth Digido.  

Cewch, cyhyd â'ch bod yn cysylltu ag ef yn gywir trwy naill ai ddarparu'r hyperddolen neu fewnosod y cod a roir i chi gan YouTube yn gywir, ac nad yw'r deunydd wedi'i uwchlwytho'n anghyfreithlon.  

Os nad yw'r lluniau wedi'u trwyddedu i'w hailddefnyddio, bydd angen i chi gael caniatâd gan ddeiliad yr hawlfraint / y ffotograffydd cyn eu defnyddio yn y ffilm. Yr unig eithriad i'r rheol hon yw os yw'r ffilm yn cael ei gwneud at ddibenion arholi ac asesu. 

Dylech, mae'n rhaid i chi gadw'r holl ganiatâd hawlfraint (llythyrau, negeseuon e-bost, ffurflenni ac ati) am gyhyd ag y mae'r eitem a gopïwyd yn bodoli.