Yr offeryn DA sy'n cael ei argymell gan y Brifysgol yw Microsoft Copilot. Mae'n rhan o'n Trwydded Microsoft ni ac mae iddo nodweddion diogelwch priodol.
Isod rhoddir rhai enghreifftiau o offer DA sydd ar gael am ddim a allai fod yn ddefnyddiol â'ch astudiaethau. Nid yw'r adnoddau hyn wedi cael sêl bendith Prifysgol Aberystwyth.
Cyfeirnodi ydy un o'r sgiliau academaidd allweddol y dylech eu meistroli tra byddwch yn y Brifysgol. Mae gennym ni ganllaw cynhwysfawr Ymwybyddiaeth ynglŷn â Chyfeirnodi a Llên-ladrad i'ch helpu i greu a rheoli’ch rhestrau cyfeirnodi’ch hun.
Ar hyn o bryd nid yw Deallusrwydd Artiffisial yn medru cynhyrchu cyfeirnodau a chyfeiriadau cywir. Mae offer DA yn gwneud camgymeriadau fel:
Yn ogystal, gall hefyd ddyfynnu neu argymell ffynonellau nad ydynt yn bodoli. Peidiwch â dibynnu ar unrhyw gyfeirnodau a gynhyrchir gan DA.
Mae Microsoft Word a Microsoft Edge bellach yn cynnwys offeryn a seilir ar DA o'r enw Editor. Mae Editor yn cynnal gwiriadau ar sillafu a gramadeg, ond gall hefyd wneud awgrymiadau ar lunio testun eglur a chryno, a mwy. Mwy o wybodaeth am Editor.
Mae Grammarly yn gynorthwyydd ysgrifennu digidol sy'n darparu awgrymiadau ar y pryd am ramadeg, sillafu, atalnodi, arddull a goslef. Mae'n defnyddio DA i wella ysgrifennu ac mae ar gael fel ap ar y we, estyniad i’ch porwr, ac wedi’i integreiddio mewn llwyfannau fel Microsoft Word a Google Docs.
Mae QuillBot yn offeryn aralleirio wedi'i seilio ar Ddeallusrwydd Artiffisial sy'n helpu defnyddwyr i ailysgrifennu brawddegau a pharagraffau i’w gwneud yn fwy eglur, gwreiddiol a rhugl. Mae'n cynnig gwahanol arddulliau i gyd-fynd â gwahanol anghenion ysgrifennu.
Estyniad i’ch porwr a seilir ar Chat GPT sy’n gallu cynhyrchu crynodebau o destunau o dudalennau ar y we. Ar gael ar gyfer Chrome, Edge a Firefox.
Mae Perplexity AI yw gweithredu fel cynorthwyydd ymchwil. Yn debyg i offer DA cynhyrchiol eraill, gallwch ofyn cwestiynau iddo mewn iaith naturiol, bob dydd. Mae Perplexity hefyd yn dyfynnu'r ffynonellau y mae wedi'u defnyddio i gynhyrchu ei grynodebau.
Mae Zotero yn offeryn ymchwil ffynhonnell agored sydd ar gael am ddim sy'n helpu’r defnyddwyr i ddod o hyd i ffynonellau ymchwil, ac i’w trefnu, eu dyfynnu a’u rhannu. Mae modd ei ymgorffori mewn gwe-borwyr a phrosesyddion geiriau i symleiddio'r broses gyfeirnodi.
Mae Inciteful yn llwyfan ar-lein sydd wedi'i gynllunio i helpu ymchwilwyr ac academyddion i archwilio a dadansoddi testunau ysgolheigaidd yn fwy effeithiol. Mae'n defnyddio algorithmau uwch a Deallusrwydd Artiffisial i ddarparu dealltwriaeth a dod o hyd i gysylltiadau rhwng papurau academaidd.
Mae ResearchRabbit yn offeryn ar y we sydd wedi'i gynllunio i wella sut mae ymchwilwyr yn dod o hyd i destunau academaidd, a’u rheoli a’u defnyddio. Mae'n defnyddio algorithmau datblygedig ac DA i ddarparu argymhellion wedi’u teilwra ac offer deinamig ar gyfer archwilio a threfnu papurau ymchwil.
Mae Semantic Scholar yn offeryn ymchwil am ddim, wedi'i seilio ar Ddeallusrwydd Artiffisial a ddyluniwyd i helpu ymchwilwyr i ddod o hyd yn gyflym i wybodaeth berthnasol o gronfa ddata helaeth o bapurau academaidd ar draws amryw feysydd.
Mae Elicit.org yn llwyfan darganfod ymchwil arbenigol sy'n defnyddio deallusrwydd artiffisial a dysgu peiriannol i symleiddio'r broses ymchwil, gan ei gwneud yn haws adnabod papurau perthnasol, canolbwyntio ar wybodaeth allweddol, a chael dealltwriaeth o sypiau helaeth o destunau academaidd.
Mae Dimensions yn gronfa ddata ymchwil a llwyfan dadansoddeg sy'n darparu modd i gyrraedd ystod eang o destunau ysgolheigaidd ac offer i ddadansoddi effaith ymchwil.
Mae Litmaps yn llwyfan ar-lein sydd wedi'i gynllunio i helpu ymchwilwyr ac academyddion i ddod o hyd i destunau ysgolheigaidd a’u tracio gydag amser.
Mae Elicit.org yn llwyfan darganfod ymchwil arbenigol sy'n defnyddio deallusrwydd artiffisial a dysgu peiriannol i symleiddio'r broses ymchwil, gan ei gwneud yn haws adnabod papurau perthnasol, canolbwyntio ar wybodaeth allweddol, a chael dealltwriaeth o sypiau helaeth o destunau academaidd.
Mae Inciteful yn llwyfan ar-lein sydd wedi'i gynllunio i helpu ymchwilwyr ac academyddion i archwilio a dadansoddi testunau ysgolheigaidd yn fwy effeithiol. Mae'n defnyddio algorithmau uwch a Deallusrwydd Artiffisial i ddarparu dealltwriaeth a dod o hyd i gysylltiadau rhwng papurau academaidd.
Mae Notion yn weithfan gynhwysfawr sy'n cynnwys offer cymryd nodiadau, rheoli tasgau, cronfeydd data a chalendrau. Mae'n darparu hyblygrwydd helaeth i addasu’r offer, gan alluogi’r defnyddiwr i greu gweithfannau wedi'u teilwra at wahanol anghenion.
Mae Todoist yn offeryn rheoli tasgau sy'n helpu defnyddwyr i drefnu a blaenoriaethu tasgau. Mae'n defnyddio Deallusrwydd Artiffisial i ddeall pa mor gynhyrchiol ydych chi ac i ddarparu nodiadau atgoffa.
Mae Evernote yn ap cymryd nodiadau sy'n rhoi modd i’r defnyddwyr i greu, trefnu a rheoli nodiadau ar draws dyfeisiau. Mae'n cynnwys nodweddion ar gyfer clipio cynnwys o’r we a sganio dogfennau.
Mae’r elfen Tasg o'r anogwr yn diffinio'r beth yr hoffech i’r offer ei wneud.
Meddyliwch am yr hyn rydych chi am i'r offer DA ei wneud ac yna dewiswch y gair gweithredu.
Mae’r Pwnc yn darparu'r pwnc neu'r senario y dylai'r camau gweithredu ddigwydd ynddo.
Mae'r elfen hon yn sicrhau bod yr ymateb yn berthnasol ac â ffocws pendant. Byddwch yn benodol gyda'ch pwnc a gwnewch yn siŵr eich bod yn cynnwys unrhyw gyd-destun y bydd ei angen ar yr offer (er enghraifft eich nodiadau, dolenni neu fanylion penodol).
Mae’r Strwythur yn amlinellu'r fformat y dylid cyflwyno'r ymateb ynddo
Meddyliwch am sut hoffech chi i'r allbwn gael ei gyflwyno.
Mae’r Arddull yn dangos y dull y dylai'r cynnwys gael ei ysgrifennu.
Mae nodi'r arddull yn sicrhau bod yr allbwn yn cyd-fynd â'r gynulleidfa a fwriedir a diben yr allbwn.
Mae’r Lefel yn nodi dyfnder ac ehangder yr wybodaeth sydd ei hangen.
Meddyliwch am y gynulleidfa arfaethedig ar gyfer yr wybodaeth i'ch helpu i benderfynu pa mor gynhwysfawr y dylai'r ymateb fod.
Edrychwch ar ganllawiau DA eich Adran neu holwch gydlynydd eich modiwl cyn defnyddio unrhyw offer DA ar gyfer eich gwaith a asesir.
|
Mae briff eich aseiniad neu gydlynydd y modiwl yn ei ganiatáu |
 |
| Rydych yn ei ddefnyddio fel cymorth astudio i baratoi ar gyfer cyflwyniadau neu arholiadau | |
| Rydych chi'n ei ddefnyddio i helpu eich dealltwriaeth o bwnc neu gysyniad | |
| Rydych chi'n ei ddefnyddio i'ch helpu i ddechrau ar ddarn o waith | |
| Rydych chi'n defnyddio offer DA yn feirniadol | |
|
Mae DA yn gwneud eich holl ymchwil neu'ch darllen ar eich rhan |
 |
| Mae DA yn ysgrifennu eich aseiniad | |
| Rydych chi wedi defnyddio offer DA heb gyfeirio atynt | |
| Rydych wedi golygu eich gwaith yn sylweddol gan ddefnyddio offer DA | |
Dylech ystyried eich cymhellion ac effaith defnyddio offer DA ar eich datblygiad sgiliau a'ch dysgu eich hun i'ch helpu i benderfynu a yw'n briodol.
Dyma grynodeb o'r ffyrdd y gall Copilot hwyluso hygyrchedd:
Gweler enghreifftiau bywyd go iawn yn Llyfrgell Senario Hygyrchedd Microsoft
Mae Goblin.tools yn gasgliad o offer syml, hygyrch sydd wedi'u cynllunio i helpu â’ch gwaith trefnu a rheoli tasgau. Mae’r offer yn rhannu tasgau yn gamau hylaw, gan helpu’r defnyddwyr i aros ar y trywydd iawn.
Mae ChatPDF yn llwyfan ar-lein sy'n defnyddio deallusrwydd artiffisial i alluogi defnyddwyr i dynnu a dehongli gwybodaeth o ddogfennau PDF fel pe baent yn cael sgwrs. Ar ôl i'r ddogfen PDF gael ei huwchlwytho, gall y defnyddwyr deipio cwestiynau neu orchmynion sy'n gysylltiedig â chynnwys y ddogfen. Mae'r DA yn dadansoddi'r ddogfen ac yn darparu ymatebion ar sail y wybodaeth sydd wedi'i chynnwys yn y PDF.
Mae gan Word Microsoft 365 ac Word for the Web offer trawsgrifio wedi’u hymgorffori. Gall myfyrwyr a staff Prifysgol Aberystwyth ddefnyddio Word yn rhan o Office 365.
