Cyn i chi ddechrau, bydd angen i chi feddwl sut yr hoffech dderbyn diweddariadau yn eich maes.
Mae dwy brif ffordd o wneud hyn:
Fel arfer byddwch yn chwilio ar gatalog neu gronfa ddata ac yna'n cadw'r chwiliad a mewnbynnu eich cyfeiriad e-bost.
Byddwch yn derbyn e-bost pryd bynnag y bydd eitem newydd yn cael ei hychwanegu sy'n cyfateb i'ch telerau chwilio.
Gallwch sefydlu rheolau fel bod negeseuon e-bost gan anfonwyr penodol neu gyda geiriau penodol yn y teitl yn cael eu hanfon yn syth i ffolder benodol. Felly fel hyn, ni fydd eich mewnflwch yn mynd yn rhy orlawn.
Cofiwch fel myfyriwr ym Mhrifysgol Aberystwyth, er y gallwch ddefnyddio'ch cyfeiriad e-bost PA i gofrestru ar gyfer gwasanaethau o'r fath, ni argymhellir eich bod yn defnyddio'ch cyfrinair PA.
Peidiwch â defnyddio na nodi'ch cyfrinair PA i unrhyw wefannau allanol.
Ystyr RSS yw Syndicetio Syml Iawn (Really Simple Syndication).
Ffeil sy’n cynnwys crynodeb o ddiweddariadau o wefan yw ffrwd RSS, yn aml ar ffurf rhestr o erthyglau ynghyd â hyperddolenni. Mae'n cynnig ffordd hwylus i gael yr wybodaeth ddiweddaraf am gynnwys newydd o wefannau, felly yn hytrach na gorfod mynd ati i chwilio ar y gwefannau sydd o ddiddordeb i chi i weld a oes unrhyw ddiweddariadau, mae’r RSS yn eich hysbysu pan fydd gwefan wedi'i diweddaru, heb i chi orfod gwneud unrhyw beth.
Gallwch edrych ar y rhain fesul un ar eich porwr. Serch hynny, maent yn fwyaf defnyddiol pan fyddwch wedi tanysgrifio. Bydd angen i chi osod darllenydd ffrwd i weld ffrydiau wedi'u diweddaru ac i gael eich hysbysu am gynnwys newydd. Gweler yr awgrymiadau yn y tabiau canlynol.
Yr unig beth sydd angen ei wneud i danysgrifio i ffrwd RSS, ar gyfer unrhyw fath o gynnwys, yw gludo cyfeiriad URL y dudalen yr hoffech ei dilyn i'ch darllenydd RSS, er enghraifft blog, podlediad, hafan sianel YouTube, ac ati. Os oes ffrwd RSS yn bodoli ar gyfer y dudalen honno, gallwch danysgrifio iddi ar unwaith.
I ddod o hyd i ffrwd RSS ar wefan, edrychwch ar brif dudalen neu hafan y wefan. Mae rhai safleoedd yn arddangos eu ffrwd RSS fel botwm oren a all gynnwys yr acronymau RSS neu XML. Os oes eicon RSS oren ym mar cyfeiriad eich porwr, mae hynny’n dynodi bod ffrwd RSS ar gael i’r safle hwnnw. Bydd llawer o safleoedd a chronfeydd data yn dangos yr eicon hwn neu’n dangos mewn ffordd arall bod ffrydiau RSS ar gael ar gyfer cynnwys penodol.
Os nad ydych yn gweld eicon neu ddolen RSS, gallwch archwilio ffynhonnell y dudalen we.
1. Agorwch borwr gwe ac ewch i dudalen we.
2. De-gliciwch ar y dudalen we a dewis View page source/Gweld ffynhonnell y dudalen
3. Dewiswch Settings/Gosodiadau > Find/Canfod
4. Teipiwch RSS a phwyso Enter.
5. De-gliciwch ar URL y ffrwd RSS, dewiswch Copy link address/Copïo cyfeiriad y ddolen a defnyddiwch yr URL hwn i danysgrifio i'r ffrwd RSS mewn darllenydd RSS.
Rhagor o Wybodaeth: https://www.lifewire.com/what-is-an-rss-feed-4684568
Y cyfan sydd ei angen yw darllenydd penodol ar gyfer RSS. Mae rhai o'r darllenwyr mwyaf poblogaidd a symlaf i'w defnyddio yn aml am ddim.
Ar ôl i chi ddewis a gosod darllenydd, y cyfan sy'n rhaid i chi ei wneud yw dod o hyd i wefannau sydd â phorthwyr RSS i'w tanysgrifio.
Dechrau arni
Edrychwch trwy'r tabiau nesaf i gael mwy o wybodaeth am borthwyr posib yr hoffech eu defnyddio.
Cadwch i fyny â'r pynciau a'r tueddiadau, heb y gorlethu. Mae Feedly yn ddarllenydd ar gyfer gwahanol borwyr gwe a dyfeisiau symudol sy'n rhedeg iOS ac Android. Mae hefyd ar gael fel gwasanaeth cwmwl. Mae'n casglu crynodebau newyddion o amrywiaeth o ffynonellau ar-lein i'r defnyddiwr eu haddasu a'u rhannu ag eraill.
Mae'n gwneud i borthiant edrych yn dda ac mae'n cynnwys delweddau. Gallwch gadw i fyny â thanysgrifiadau YouTube, derbyn rhybuddion allweddair yn uniongyrchol gan Google a chreu casgliadau i wneud gwybodaeth hir yn haws i'w defnyddio.
Dewiswch ffefrynnau o filiynau o ffynonellau. Ychwanegwch ffynonellau cynnwys i gael eich porthiant newyddion wedi'i addasu eich hun. Drwy integreiddio RSS, gall Feeder gysylltu â bron unrhyw ffynhonnell ar y we – blogiau, newyddion, tywydd, cronfeydd data'r llywodraeth, byrddau swyddi, Twitter, cylchlythyrau a mwy. Dewiswch a chymysgu.
Mae gan Google Chrome a Safari estyniad fel y gallwch danysgrifio a chael mynediad i borthiant yn uniongyrchol wrth i chi bori. Mae hefyd wedi'i ffurfweddu ar gyfer symudol gydag ap iOS ar gyfer defnyddwyr Android neu iPhone.
Os ydych chi'n chwilio am ddarllenydd plaen a syml, hawdd ei ddefnyddio, dyma'r un i chi. Mae'r Old Reader yn ddarllenydd mewn-borwr sy'n eich galluogi i gadw i fyny â'r datblygiadau diweddaraf trwy borthwyr RSS.
FeedRinse
Ydych chi'n derbyn gormod o pyst? Efallai y gwelwch eich bod, fel gyda'r Cyfryngau Cymdeithasol, yn treulio'r rhan fwyaf o'ch amser yn dileu pystiau amherthnasol. Yn ffodus mae yna lawer o hidlwyr allan yna sy'n golygu y gallwch chi gyfyngu ar faint o ddata rydych chi'n ei dderbyn ac felly mae angen i chi ei ddarllen.
Mae FeedRinse yn un gwasanaeth o'r fath. Rydych chi'n cyfyngu ar yr hyn rydych chi'n ei weld neu'n blocio geiriau allweddol, awduron neu dagiau. Llwythwch eich porthwyr i fyny, eu golygu ac yna eu dychwelyd at eich darllenydd. Yn hawdd ei ddefnyddio mae Feed Rinse yn caniatáu ichi hidlo cynnwys syndicâd yn awtomatig nad oes gennych ddiddordeb ynddo. Mae fel hidlydd sbam ar gyfer eich tanysgrifiadau RSS.
Sylwch y bydd angen i chi ymuno â'r gwasanaethau hyn. Rydym yn argymell, os ydych chi'n defnyddio'ch cyfeiriad e-bost Prifysgol Aberystwyth, ni ddylech ddefnyddio'ch cyfrinair ond dewis un arall.
